Ja hÈrna

í morgun þegar ég vaknaði og leit út um gluggan var ég svo ánægð að sjá snjó, klæddi mig hæfilega vel en NEI þegar ég var komin út var barasta rigning úti og allt rennandi blautt.. Það hefur semsagt náð að snjóa nokkuð vel í nótt en svo byrjað að rigna í morgun.. glötuð veðrátta og varirnar mínar finna sko vel fyrir þessu, er alltaf með helvítis varaþurrk.. ARG...

Annars er ég mjög ánægð með úrslitin í Eurovision, mér finnst lagið gott og svo finnst mér Sylvía Nótt alveg frábær karakter (n.b. karakter), finnst eins og mörgum finnist að hún sé að meina þetta greyið stelpan (Ágústa Eva). Hún á örugglega eftir að vekja mikla athygli og ánægju í Grikklandi og tel ég að nú séu meiri líkur á að við komust í alvöru keppnina.

Djöfull er ég orðin þreytt á hvað Ísafjörður er yfirleitt sóðalegur, finnst aldrei fínt hérna í bænum. Á sumrin eru flest beð í órækt og lítið að sjá af fallegum sumarblómum nema þá í görðum hjá fólki. Alltaf allt í rusli, ónýtir bílar og brotajárn út um allan bæ og svo sóðalegt í kringum fyrirtæki. Illa hugsað um húsnæði og svoleiðis.
Var því mjög ánægð að lesa á bb.is að bærinn ætli að hafa hreinsunarátak á vordögum. Vona ég svo sannarlega að fyrirtæki og einstaklingar verði dugleg að þrífa.

Vá ekkert nema kvart og kvein í dag, er að reyna að koma einhverju gleðilegu frá mér en kommon, sumir dagar eru bara svona...
Annars var mjög gaman á þorrablótinu á laugardaginn, ég var kosin í skemmtinefnd á næsta blóti og veit ég fyrir víst að það verður besta blót sléttuhreppinga EVER...
Styttist í Húsavíkurferð og hlakka ég mjög til, hef aldrei komið þangað áður og langt síðan maður hefir barið Palla og Svövu augum.

Árshátíð FSÍ 11. mars og þemað er kvikmyndir, endilega hjálpið mér og kommentið einhverjar góðar hugmyndir.....

Bless í bili
Nöldurskjóðan