Ja hÈrna

...er loksins komið.

Er bara búin að bíða í allt sumar eftir þessum degi sem var í gær. Var að vinna til eitt og gat því notið veðublíðunnar í garðiunum í Hafraholtinu. ER á næturvakt og finn aðeins fyrir því að ég hafi verið í sól í dag, maður er náttúrulega ekki Íslendingur nema maður helli sér útí sólböðin alveg á fullum krafti... hehe.
Er á næturvakt og ber á mig ört aloe vera gel.. var víst búin að gleyma því að kroppurinn sá síðast sólarljós síðasta sumar af því að ég tók þá ákvörðun að hætta að fara í ljós.. hehe. Verð allavegana brún þegar roðinn er að mestu farinn.
Búin að fara tvisvar í golf og finnst mér það mjög gaman, stefnan er tekin á Sickhouse open í Ágúst sem er árlegt golfmót sjúkrahússins, fólk má semsagt vera mjög lélegt að spila á því móti. Held samt bara að mér sé að ganga ágætlega, hitti allavegana eiginlega alltaf á kúluna en er lélegri í að miða á rétta staði.

Annars er Ögurball á næsta laugardag, ég er ennþá að hugsa málið hvort ég eigi að fara, er núna meira á því að fara ekki, en svo er aldrei að vita hvað ég hugsa á morgun.
Gúrkan er á leiðinni í bæinn, ætlar að leggja af stað í Flókalund í dag og koma svo á puttanum til Ísafjarða. Ég (Gulrótin), Thelma (paprikan) og Engilráð (gúrkan) ætlum svo að hittast annað kvöld og spila kana eins og brjálæðingar, langt síðan síðast...

Þangað til næst... verið góð við hvort annað! (var það ekki annars einhvernveginn svona sem Jerry Springer orðaði það?)