Ja hÈrna

Síðasti dagurinn í dag og lagt af stað heim á morgun. Fór í útkall í dag vegna hugsanlegrar brotlendingar hér í nágrenninu, gallaði mig upp í gulu úlpuna og tók hjálminn með rauða krossinum á með. Fór með trukknum og sjúkraflutningamanninum góðan bíltúr, engin flugvél sjáanleg og svo las ég þetta á mbl.is. Ekki alveg sömu upplýsingar sem við fengum þar sem okkur var sagt að vélin hefði lent á bak við einhvern hól uppi á miðri heiði. Fékk allavegana að fara í útkall svona síðasta daginn minn.
Veðrið er búið að vera ömurlegt síðan Siggi kom og við höfum ekkert farið að skoða, rétt skruppum í göngutúr í gær en það er nú mest lítið að sjá hérna. Er búin að fá loforð um að mega koma í heimsókn næsta sumar og fá þá almennilegan rúnt, en þá er náttúrulega Hálslón orðið fullt... Algjör bömmer. Verðum bara að keyra með krílið í ferðalag til að koma að skoða. Kannski ég komi bara að vinna í orlofinu mínu!!
Ætlaði að setja inn mynd sem sýnir afslöppun makans hérna á hálendinu en þar sem þetta myndakerfi hjá bloggar virka ekki sem skyldi eins og er verður það að bíða betri tíma.
Ætlum að gista á Hótel Akureyri á morgun og kannski fara í bíó og sjá Mýrina.