Ja hÈrna

Vika 21 : 21. nóvember 2006 til 27. nóvember 2006
Fóstrið er um 17 sm langt í sethæð og vegur um 380 gr og það vex ört.
Hjá stúlkubörnum hafa leggöngin myndast og eggjastokkarnir innihalda þegar yfir sex milljónir eggja.
Hjá drengjum er pungurinn ennþá tómur en eistun sem myndast í kviðnum taka að síga niður.
Taugakerfi fóstursins þróast hratt þessa dagana en yfirborð heilans er ennþá slétt.
Bragðlaukar taka að myndast á tungu fóstursins og talið er að fóstrið geti skynjað snertingu.
Fóstrið sefur stóran hluta sólarhringsins.

Er á næturvakt sem verða alltaf erfiðari og erfiðari, er svo gott að sofa :)
Erum að fara suður á fimmtudaginn og ætlum að vera hjá ömmu og afa í Espigerði, er svo gott að vera hjá þeim. Sónarinn á föstudaginn og svo er planið að reyna að versla einhverjar jólagjafir ef við nennum. Annars er bara opin dagskrá eins og er.

Hitti loksins vinkonur mínar um helgina, eða allavegana þær sem voru í bænum. Hittumst í "brunch" heima hjá Heiðu og átum á okkur gat. Jón Gunnar mætti að sjálfsögðu á svæðið og bræddi okkur alveg. Æðislegt að hittast og skömm að við skulum ekki gera þetta oftar.

Yndislegt úti þessa dagana, allt hvítt og fallegt. Svona eins og það á að vera á þessum árstíma. Vonandi helst þetta bara alveg út veturinn, hvítt og kalt. Farin að huga að jólaskrauti og hvernig á að skreyta húsið. Ætla samt ekki að skreyta strax eins og sumar hér í bæ eru búnir að gera. Ágætt að sumir geri það en ég ætla að bíða með það.

Gellurnar á barnalandi eru að ræða um hvað eigi að gera karlinum í jólagjöf, ekkert smá gjafir. Hljóta að vera á góðum launum þessar konur sem eru heima á barnalandi allan daginn. Þessi barnalandsmafía fer dálítið í taugarnar á mér, en get samt ekki sleppt því að skoða þetta eindæmis bull... Svona er maður bara. Vonandi eigiði góðan dag, ég hlakka mjög til að fara heim. Líka gott þegar það er búið að vera hita rúmið og sængurnar alla nóttin.