Ja hÈrna

ARG og GARG... helv#$% djö"#$ kerfið er úti, búin að reyna tvisvar og dettur alltaf út og þar sem ekki er hægt að gera paste lengur nenni ég ekki að skrifa þetta einu sinni enn nema vera handviss um að þetta komi inn, þannig að bloggið mitt verður hér í commentinu til að byrja með....

Kökurnar í ofnuninum og ákvað þess vegna að skrifa nokkrar línur.
Kvikmyndaferill minn hófst nú í vikunni og lauk samdægurs.
Verið var að taka upp mynd sem heitir Dugguholufólkið og var að hluta tekin upp á vestfjörðum. Lokaatriðið var tekið upp á sjúkrahúsi, nánar tiltekið á einni stofu á öldrunardeildinni minni. Það vantaði bráðhuggulega, ófríska hjúkku til að fara með eina línu í myndinni og var ég að sjálfsögðu fyrir valinu (vildi enginn annar gera þetta og enginn hafði tíma).
Ég sagði semsagt "það má ekki vera með hunda hérna" og greip í hálsólina á einhverjum hundi sem þarna var að leika. Þessi 7 orð voru u.þ.b. í 10 sekúndna atriði en þetta tók tvo klukkutíma að taka. Þegar þessu var lokið ákvað ég semsagt að leggja leiklistarskóna á hilluna og segja skilið við þessa braut lífs míns og einbeita mér að þeim sem ég hafði fyrir. Alltof mikið hangs og bið fyrir minn óþolinmóða smekk. Myndin verður sýnd jólin 2007 og býst ég við að vera á rauða dreglinum þegar hún verður frumsýnd ásamt Margréti Vilhjálms, Brynhildi, Hinriki Ólafs og Bjössa Bollu.

Allt annað gengur sinn vana gang, bakaði eina sort af smákökum í dag og ætla ég að láta það duga ásamt því að baka jólaköku. Jólagjafir næstum innkeyptar, jólakortin næstum skrifuð og húsið næstum skreytt. Semsagt allt er næstum tilbúið fyrir jólin.

Bumban stækkar hægt og rólega og aukast lætin þar fyrir innan, en þetta blessaða kríli vill ekki enn leyfa pabba sínum að finna fyrir tilvist sinni og heldur móðirin tilvonandi því áfram að reyna að láta það ganga. Það hefst allt fyrir rest hef ég heyrt.

Halla mín kemur í næstu viku og ég get ekki beðið eftir að knúsa hana og bumbuna, jú og auðvitað Dodda líka (má nú víst ekki skilja hann eftir útundan í öllu þessu bumbustússi).
Hafdís og Jón eru í Reykjavík og sömuleiðis Sunna. Hlakka til að hitta þær allar ásamt Kristínu og Heiðu núna einhverntímann um jólin.

Hóhóhó í bili....

Til hamingju með stóra breakið þitt elskan mín, alveg viss að þú fáir Edduna fyrir þetta! Mér er mikið farið að langa til að knúsa þig....alltof langt síðan ég hef séð þig. Ertu að vinna mikið yfir jólin? Elska þig dúllan mín og vona að þú hafir það gott.

KOMMENTABLOGG..Þetta er kúl hugmynd....ég ætti að fara að blogga á commentaþráðum vinkvenna minna ha ha ha...þá þarf ég ekki að halda út síðu sjálf...SNILLD.

Ef þú færð tilnefningu þá skal ég passa fyrir þig... ;)
Jæja, ætla að halda áfram að láta mér leiðast....ekki nenni ég í heimsóknir greinilega HA HA HA.

haha ég vissi alltaf að þú yrðir fræg, get ekki beðið að sjá leik þinn í myndinni!

En hlakka til að sjá þig á fimmtudag að öllum líkindum ætla að kíkja til þín með pakka og kort:-)
Knús

Loksins loksins einhver sem ég þekki orðin frægur...;O)
En hafðu það ógeðslega gott elsku vinkona yfir jól og áramót.
Sjáumst á nýju ári..

Kv.Nýbúinn