Ja hÈrna

og krílið er farið að sparka á fullu, ekki ennþá samt fyrir pabba sinn. Virðist alltaf hætta allri leikfimi um leið og hendin nálgast bumbuna. Merkilegt, en vonandi fer hann nú að finn hreyfingarnar. Allt gengu vel og mér líður vel, finnst ég vinna heldur mikið, en hugga mig við það að ég fer í árs frí í apríl á næsta ári. Jólaundirbúningur á fullu, næstum allar jólagjafir búnar, byrjuð að skreyta heima en baksturinn verður að bíða þangað til ég fer í frí sem verður einhverntímann í næstu viku (er að vinna smá törn núna). Naflinn orðinn "skrýtinn" og verður örugglega úthverfur bráðum, er frekar aum og má helst ekkert koma við hann.
Bíð enn eftir raunveruleikasjokkinu sem virðist ætla að láta á sér standa.....
Samantekt um þessa viku á doktor.is

* Á þessum tíma byrja margar konur að finna fyrir samdráttum. Legið harðnar og slaknar og þetta getur jafnvel gerst oft á dag og er eðlilegt. Sumar konur finna ekki fyrir þessu meðan aðrar skynja óþægindi og jafnvel verki. Þessi samdrættir aukast gjarnan eftir því sem líður á meðgönguna. Mundu að ef samdrættirnir verða kröftugir, sárir eða mjög tíðir skaltu hafa samband við lækni eða ljósmóður því mögulega gæti þetta verið merki um yfirvofandi fyrirburafæðingu.
* Fóstrið bregst við hljóðum og regla kemst á svefn og vöku.
* Taugaendar fóstursins eru nægilega þróaðir til að það finni fyrir því sem snerta hendur þess.
* Fóstrið getur vaknað við hreyfingar móðurinnar.
* Fóstrið er nú 18 sm og vegur um 450 gr. Það þyngist nú meira en 70 gr á viku.
* Örlítil fita er farin að safnast á líkama fóstursins en húðin virðist þó heldur rúm fyrir líkama þess.

hóhóhó í bili og aðeins 18. dagar til jóla....